Welkom by my persoonlike blad.
Transformeer huwelike
"Waar daar liefde is, is lewe"
Is die fondasie van jou huwelik die afgelope tyd geskud?
Konflik situasies in huwelike is ‘n groot uitdaging vir getroude pare, en om in sulke situasies op ‘n gesonde wyse te kommunikeer is glad nie maklik nie, maar absoluut noodsaaklik.
In my beradings ondervindinge het ek verskeie praktiese “tools” ontwerp om paartjies te help hiermee.
Is huwelikberading die moeite werd?
Die kern van ‘n huwelik is nie die huis waarin julle woon, jul kinders se prestasies of jul status in die gemeenskap nie, maar die verhouding tussen julle as huweliksmaats. ‘n Huwelik groei wanneer die verhouding groei.
Ons menslike natuur en trots dryf ons om in ons verhoudings eerder lelik te wees met mekaar as mooi, afbrekend eerder as opbouend, om te haat eerder as lief te hê, jaloers te wees eerder as om te waardeer en mekaar erkenning te gee.
Die huwelik is ‘n roeping, maar ook ‘n uitdaging en dit vereis aanhoudende werk. Hierdie “werk” kan soms moeilik wees en uitputtend raak . . . die feit is liefde is nie altyd romanties en soet nie. Die mooi van liefde kan soms pynlik wees, veral wanneer dit opoffering van ons vra. 'n Huwelik is veronderstel om aangenaam, opbouend en lekker te wees, maar om daardie ideale te bereik moet paartjies die konsep reg verstaan, en bereid wees om objektief daarna te kyk en nie net hul eie selfsugtige behoeftes te probeer vervul nie.
Die waarheid is dat liefde ook ‘n werk, ‘n loopbaan en ‘n roeping is, en dat dit gereeld ge-oudit moet word, anders klop die liefdesboek op die einde nie meer nie.”
#LiefdevirAltyd
Die probleem egter is dat ons as individue ons eie behoeftes en verwagtinge het. Ons lewensmaats is totale unieke wesens met ‘n eie persoonlikheid, liefdestaal, behoeftes en verwagtinge wat soms ‘n groot gaping kan skep . . . MAAR DAAR IS VERSEKER HOOP !! Wanneer albei huweliksmaats “committed” is om te WERK aan jul huwelik, as individue te groei, jul verhouding te transformeer in die verhouding wat jul albei in gedagte gehad het toe julle voor die kansel gestaan het, kan huweliksberading van groot waarde wees.
My rol as huweliksberader is nie om te oordeel of paartjies te laat skuldig voel nie, maar om objektief na albei se stories te luister, en om julle op ‘n praktiese manier te help om toepasbare en praktiese gereedskap aan te leer waarmee julle verhouding positief en effektief bestuur kan word.
